GWS को एक घुम्ति डाक्टर, डा. आनन्द गुरुङको यस AWC मा एट्याच्मेन्ट संगै यो त्रैमासिक शुरु भयो । करिब ४ हप्ता लामो बर्साईको अवधिमा उहांले कहिले AWO र कहिले कुनै एक AAWO को साथमा स्याङजा र पर्वतको विभिन्न क्षेत्रमा पुगेर २१७ जना वेल्फेयर र र्सर्भिस पेन्सनरहरूलाई स्वास्थ्य सेवा दिनुभयो । ती मध्ये सबैजसो लाभान्वितहरू ८०-९० वर्षा बुढाबुढिहरू थिए ।

४ मार्चको दिन  AWO द्वारा बाहाकोट गा.वि.स. अर्न्तर्गत भञ्ज्याङ गाउंमा रहेको नुबाहाकोट मा.वि.लाई रुम टु रिड नामक संस्थाबाट प्राप्त विभिन्न विषयका किताबहरूको २ वटा ठूला प्याकहरू हस्तान्तरण गरियो । ६ मार्चको दिन जिल्लाका प्रमुख व्यक्तित्वहरू र स्थानीय वुद्धिजिवीहरूको लागि ब्ध्ऋ मा सानो जलपानको आयोजना गरियो । कार्यक्रममा प्रमुख जिल्ला आधिकारी श्री नन्दिकेशर त्रिपाठी मुख्य अतिथि हुनुहुन्थ्यो । उक्त कार्यक्रममा  AWO बाट AWC स्याङजाको सम्पूर्ण कार्य र गतिविधिबारे जानकारी गर्राईएको थियो ।

अर्को दिन ७ मार्चमा एक्सरर्साईज हिमालयन ब्लुबेल ०९ को टोली लेफि्टनेन्ट मार्क जेफी REME र उहांका साथीहरू आउनुभयो । उहांहरूले जिल्ला अस्पताल स्याङजामा रहेका विभिन्न उपकरणहरूको तुरुन्तै मर्मत गरी तिनलाई प्रयोग योग्य बनाएर पुर्‍याउनु भएको सहयोगको लागि थुप्रै बिरामीहरूको तर्फबाट हामी AWC स्टाफ उहांहरूलाई धेरै धन्यवाद दिन चाहन्छौं । जे भए पनि AWO ले यो कुरा सोध्न चाहनु भएको छ कि सार्जन्ट बौउले अन्त्यमा आफ्नो ३५० सि.सि.को रोयल इन्फील्ड मोटरसाइकल फुकालेर झोलामा प्याक गरेर लैजान सक्नुभयो कि नाइ कुन्नि- किनकी AWO ले आफ्नो मेशिन त्यसरी ल्याएको देखेर उहांले पनि त्यहि विचार गर्नुभएको थियो ।

त्यसपछि वेल्फेयर पेन्सन वितरण गर्ने हप्ता शुरु भयो जस्मा ७४१ जना वेल्फेयर पेन्सनर AWC मा आएर त्रैमासिक रुपमा पाउने रु. ११,४०० बुझिलिए साथै औषधि उपचार पनि गराए । यसै दौरानमा सोमबारको दिन यू.के.बाट आएका फोटोग्राफरहरू क्रिस्पिन र सुसी ह्युज आउनुभयो र फोटोहरू खिच्नुभयो । अन्त्यतिर आएर २ वटा घर जलेको निवेदनहरूको पनि स्थलगत जांचबुझ सम्पन्न गरियो, एउटा र्सर्भिस पेन्सनरलाई कादुरी मार्फत उपलब्ध गर्राईएको व्हिल चियर हस्तान्तरण गरियो र एउटी विधवीलाई भत्कनै लागेको घरको पुनर्निर्माण गर्न अघिल्लो त्रैमासिकमा दिईएको दुःख कष्टमा दिईने अनुदानबाट उनको घरको पुनर्निर्माण सम्पन्न भयो ।